O blog do Castro Baxoi

PARADE UNS SEGUNDOS A ESCOITAR

2012-02-19T09:47:00.001+01:00

Un fermoso poema, "Niña de la cueva", recitado por...???

Tamén fomos a un museo

2012-02-07T16:10:00.002+01:00

Ese mesmo día do que vos falamos na entrada anterior, tamén visitamos o museo de Belas Artes, que está moi próximo á Cociña Económica. Fixemos a foto común, na entrada, e despois dividímonos en dous grupos para ir vendo os catro pisos do museo. Dentro xa, vimos no vestíbulo un xigante de madeira que parece vixiar cos seus ollos azuis todo o museo; unha sala dedicada aos gravados de Goya; salas de pintura dos séculos XVIII, XIX e tamén a máis actual do S.XX. O que máis nos chamou a atención a case todos foron os cadros de Lugrís e un de Picasso, ademais dalgúns de Seoane, e unha rapaciña tallada a partir dun tronco de carballo. Foi especial tamén unha escultura en madeira de Paco Pestana que parecía representar un peixe serra coas ondas do mar e que, ao xirala, tiña un son similar aos berros dos golfiños.

Despois, volta a casa

EXCURSIÓN Á CORUÑA

2012-02-04T05:52:00.000+01:00

Onte, 4ºA, 4º B e 3ºPDC (ESO) viaxamos ata A CORUÑA, realizando unha actividade organizada por Flor, a profe de Sociais. Fixemos unha visita á cociña económica e... todos voltamos moi impactados co que vimos, oímos e sentimos. Levamos o recollido durante uns días no cole: aceite, produtos de aseo, azucre... e quedamos en volver con novas cousas que lles virán moi ben: libros e xoguetes concretamente. Así que hai que ir preparándose para achegarlles o que necesitan xa que en verdade hai moitas persoas que carecen absolutamente de todo nestes momentos.

Coincidimos, ao saír, coa cola que se forma ás 11 h. da mañá, que é a daquelas persoas que van buscar a comida para levala ás súas casas e o que máis nos sorprendeu a todos foi pensar que alí poderiamos estar calquera de nós.

Algúns datos rápidos:

-É a máis antiga de Galicia (xa leva 125 de anos, como din eles, "alimentando esperanzas") e a única de España financiada de forma privada.

-Cada día reparten 600 racións e conta con servicio de ducha e lavandería.

-O novo perfil de usuarios hoxe en día son familias, homes que viven sós e xoves desempregados.

Sairá un artigo na nosa revista escolar para non esquecernos e tamén falaremos das outras cousas que fixemos ese día. De momento, neste blog só iso, para non mesturar, xa que o tema ben merece unha reflexión seria.

DÍA DA PAZ

2012-01-27T05:39:00.001+01:00

O luns 30 vémonos todos no patio do cole. Haberá bailes, música, desexos e moitas grullas (que enviaremos ao Museo da Paz de Hiroshima) para celebrar o día.

Leremos un texto coa historia de Sadako Sasaki, a nena morta en Hiroshima a causa dos efectos da bomba atómica e o alumnado de 4º A colgará un MANIFESTO POLA PAZ.
E tamén teremos unha xornalista (Lucía, El Ideal Gallego) connosco para contar todo isto.

CHEGARON Á ANTÁRTIDA

2012-01-19T21:37:00.001+01:00

Como seguimos o inicio da súa viaxe, contámosvos agora o final:
Ramón Larramendi e os seus compañeiros chegaron o día 1 de xaneiro á Antártida no seu catamarán!!!

FELIZ DÍA MÁXICO, peques!

2012-01-06T11:37:00.001+01:00

Feliz aninovo!

2011-12-31T20:19:00.001+01:00

Estamos a piques de rematar o 2011!!! Non esquezades entrar co pé dereito no aninovo!!! ou sexa: levantade o pé esquerdo mentres soan as 12 badaladas!!!
DESEXOS DE PAZ, HARMONÍA, SAÜDE E FELICIDADE para todos-as!

IN TIME

2011-12-19T20:36:00.001+01:00

Se vos apetece ir ao cine este Nadal, aproveitade para ver esta peli moi recomendable: IN TIME

Xénero:Suspense

Clasificación:Non recomendada menores de 12 anos

Estreno: 2 de decembro de 2011

Director: Andrew Niccol

Guión: Andrew Niccol

Música: Craig Armstrong

Fotografía: Roger Deakins

Intérpretes:Justin Timberlake (Will Salas), Johnny Galecki (Borel), Cillian Murphy (Raymond Leon), Amanda Seyfried (Sylvia Weis), Matt Bomer (Henry Hamilton), Olivia Wilde (Rachel Salas), Alex Pettyfer (Fortis).

SINOPSE:
Nun futuro próximo, a sociedade non envellece xa que se conseguiu alterar o xen que provoca o deterioro físico. Prodúcese unha superpoboación alarmante, co que se decide que o teempo de vida se compre con cartos.

ANTÁRTIDA, un continente sen dono

2011-12-11T10:36:00.001+01:00

Hai 100 anos, Amundsen chegou por primeira vez á Antártida. Saíu con 4 trineos e 56 cans camiño do continente xeado. E chegaba por fin o 14 de decembro de 1911, con menos homes, menos cans e menos trineos, ao Polo sur ( latitude 90º S.).

HOXE, unha nova expedición comeza o mesmo percorrido. Desta volta trátase de Ramón Larramendi cun catamarán: unha especie de enorme trineo cunha vela de 40 m. que se desliza (exclusivamente grazas ao vento!!!) sobre o xeo da Antártida. Están aínda a 2.000 km. deses 90º Sur e contan facer uns 100 km. diarios, polo que non chegarán ao seu destino ata case dentro dun mes, se todo marcha ben. A dificultade é enorme xa que as temperaturas acadan os -25º e os ventos poden ser ata de 300 km./h.

HABERÁ QUE SEGUIR A EXPEDICIÓN CON INTERÉS!!! Non vos parece?

Continentes que limitan coa Antártida

Habitantes do país de xeo

Así é vista dende o ceo

Visita á Torre de Hércules

2011-11-22T17:17:00.003+01:00

MIRADE COMO QUEDOU O PARAUGAS DE SERXIO!

Ben, molladiños como pitos, chegamos da excursión á Coruña que foi moi divertida. Primeiro quixemos ir ao Monte de San Pedro pero como o persoal non se responsabilizaba da nosa morte a causa do vento e da choiva, non nos deixaron entrar.

Despois fomos á Torre de Hércules, onde non morremos de milagre: un vento terrible, un mar precioso, aínda que moi picado, e como non! caían chuzos de punta!!!!!!!!!!!!! E claro, como aínda quedaba tempo e non podiamos pasear e as profes querían cambiar de roupa... pois fomos ata EspacioCORUÑA, onde estivemos un bo tempo ao noso aire!

Foi unha das mellores excursións e un posible programa titulado: "O último supervivinte: como saír seco da Torre de Hércules"!!!

Andrea Piñeiro.

CONGRESO BIBLIOTECAS ESCOLARES EN TRÁNSITO

2011-11-14T16:45:00.005+01:00

O noso cole estivo presente no Congreso Bibliotecas Escolares en Tránsito que se celebrou en Santiago de Compostela durante os días 10, 11 e 12 de novembro. Poñentes de recoñecido prestixio, mestres, profesores e representantes das administracións educativas das diferentes comunicades autónomas tivemos a oportunidade de compartir experiencias arredor das bibliotecas e do seu papel na escola. Falouse da importancia da lectura, da escritura, da comunicación oral. Falouse das novas tecnoloxías e da necesidade de incorporalas ao proceso de ensino-aprendizaxe. Falouse dos cambios que se están a producir no xeito de aprender dos nosos alumnos e das reaccións pedagóxicas que estamos obrigados a propiciar en canto a estratexias, metodoloxías, ferramentas, etc. Falouse das bibliotecas en tránsito porque estamos nun momento de transformacións vertixionosas provocadas polas novas tecnoloxías. Falouse tamén do camiño que ten que percorrer a escola para formar aos cidadáns desta nova etapa histórica na que a información, toda a información, está ao alcance dun clic e resulta imprescindible saber buscala, seleccionala e analizala con espíritu crítico para elaborar teses propias e argumentalas axeitadamente. Falouse moito e moi ben de que nos interesa como pais e nais, como mestres e profesores, como cidadáns.

Bibliotecas en tránsito e escolas en tránsito porque a sociedade tamén está cambiando. Esta é, cremos, unha das conclusións deste Congreso no que compartimos medos e reticencias, pero tamén gañas de traballar e ilusión ante os novos retos.

Hoxe é un día triste

2011-10-30T21:35:00.003+01:00

Si, porque hoxe morreu -mellor dito, matárono- o DERRADEIRO rinoceronte de Java en Vietnam.
Así que, a partir de agora, só o poderemos ver así. E se seguimos polo mesmo camiño, pronto haberá outras moitas especies que serán un simple recordo.

NOVO CURSO

2011-10-08T09:13:00.003+02:00

Dámosvos a todos-as a BENVIDA a este novo curso que esperamos sexa do voso agrado e utilidade. :-)

Comezamos con novas entradas no blog e esperamos os vosos comentarios e tamén as vosas entradas cos temas que vos interese compartir. Só tedes que envialas por correo-e e encargarémonos de subilas rapidamente.

Veña!

BO VERÁN !

2011-06-29T22:56:00.004+02:00

Que teñades TODOS e TODAS (pais, nais, profes e profas, familiares, membros da comunidade escolar e todo o alumnado do CPI Castro Baxoi) un BO BO BO VERÁN!
Ata setembro!!!

Snif!!!!!!!!!!!!!!!!!!!!

2011-06-22T19:54:00.001+02:00

Outra vez unhas bágoas... Desta volta vanse os "nosos" pequenos de 4ºA e 4ºB cos que tivemos os "nosos máis e os nosos menos", pero... aos que tamén imos botar de menos, como non!!! Unha xeración máis que nos deixa!
A todos eles, dende este blog:
MOITA, MOITA, MOITA SORTE, corazóns!
E ata sempre porque xa sabedes onde estamos!

Unha hora co NIQAB

2011-06-20T21:41:00.001+02:00

Na clase de Ética puxen o niqab durante unha hora. Sénteste atrapada, sen liberdade, incómoda... Non só che cobre case toda a cara, tamén tapa o pescozo e apreixa a cabeza. A visión é moi limitada, ao igual cá respiración que, aínda que chegue, sentes unha especie de agobio.
As actividades cotiás non se realizan ben xa que non se poden empregar os sentidos na súa totalidade xa que o niqab condiciona todo: vista, olfacto, gusto...
No verán supoño que será todo peor: a cor negra, o tecido, axudarán a que todas esas sensacións se multipliquen e se fagan máis insufribles.
É realmente desolador pensar que hai mulleres que o levan constantemente, cada vez que saen á rúa. Eu non podería vivir con el! E pregúntome: sería capaz de acostumarme se a miña cultura me forzase a levalo? Non o sei... pero dende logo dou grazas por vivir onde vivo porque a nosa situación, a situación da muller española, é realmente boa se facemos comparacións!!!
Que contenta estou de ter nacido onde nacín, de vivir onde vivo...

Silvia Blanco.

Que vos pareceu a revista???

2011-06-16T20:54:00.002+02:00

Esperamos comentarios!

DTodo POR FIIIIIIIIIINNNNNNNNNNNNNNNNN!!!

2011-06-15T13:16:00.008+02:00

Xa sabedes que as eleccións retrasaron a saída da revista, pero por fiiiiiiiiiinnnnnnnnnnn está lista!

O xoves, 16, comeza a venda da revista escolar. O alumnado de 4º A ESO pasará polas aulas de infantil e primaria. Aos profes e ao alumnado de Secundaria venderánvolas durante os recreos no vestíbulo.

Recordade que o custo é de 1,50 euros.

Ben baratiña, por certo!

Esperamos que vos guste!

DTodo a piques de chegar!

2011-06-11T21:03:00.003+02:00

A nosa revista chegará ao cole, se todo vai ben, a próxima semana (este curso xa vedes que é tarde pero... as eleccións ocuparon o traballo nas imprentas!) Así que... ide preparando 1,5 euros. Recordade que os cartiños van, COMA SEMPRE, aos nosos nenos ex soldado que, aínda que parece que os temos algo abandoados, NON É ASÍ.

Poñeremos unha nota polas aulas para recordarvos o día que comezará a venda que, coma sempre tamén, serán os de 4º ESO os que a repartan durante os recreos de Secundaria. Pedimos perdón dende aquí se "molestamos" a alguén nalgún momento pero non hai outro horario mellor para a súa venda.

Esperamos que vos guste!!!

O lugar da lectura

2011-06-09T00:56:00.006+02:00

Para celebrar o Día do Libro e o Día das Letras Galegas, os alumnos de Infantil, Primaria e Secundaria traballaron nas aulas o poema co que Carlos Negro agasallou ás Bibliotecas Escolares.

Unha illa de luz na xema dos dedos.
Unha porta sempre entreaberta.
Unha duna cara ao vento.
Unha nube sobre a herba.
Unha casa encantada.
Unha laranxa do paraíso.
Unha pousada no inferno.
Unha man e unha fouce.
Unha carapucha vermella.
Unha bufanda colorada.
Unha alfombra no ceo.
A pulga e o xigante.
A rosa e o cravo.
A serpe e a mazá.
A fonte e o cervo.
A flor da candea.
A fenda do espello.
A lúa na boca.
A tona do tempo.
A pedra e o canto.
A voz e o silencio.
O lugar da lectura.

A proposta de traballo que fixo a Biblioteca foi a seguinte:
Ler e comentar o poema
Crear a partir do poema:
-Infantil: relacionar imaxes e palabras, colorear e debuxar
-Primaria: ler o poema, comentalo, aprendelo e ilustralo
-Secundaria: ler o poema, comentalo e continualo (un verso por alumno, un poema por clase)
Expoñer os traballos
Encadernar os traballos para deixalos na biblioteca

A participación do alumnado foi elevada e as súas creacións preciosas: as ilustracións están cheas de cor e imaxinación e os poemas, de sensibilidade e fermosas imaxes.

O lugar da lectura do Castro Baxoi

Publish at Calaméo or browse others.

Premede AQUÍ para ler os poemas.

En Monforte con Lois

2011-05-21T15:34:00.007+02:00

O día 18 case todo o alumnado de 4º A ESO e dous alumnos de 4º B (Javier e Laura), ademais dun grupo de 1º BAC do IES Castro da uz de As Pontes, estivemos en Monforte pintando un grafitti nun muro que nos proporcionou moi amablemente o Concello, para conmemorar o día das Letras Galegas arredor do poeta monfortino Lois Pereiro.
Aquí está unha mostra do ben que nos quedou!!!!!!!! (Os astistas son Rubén Moledo -de As Pontes- e Manuel Grueiro -de Miño-; o resto miramos, animamos e fixemos un xogo de Pasapalabra con preguntas sobre a vida e a obra de Lois).
O día 19 fixemos unha preciosa ruta literaria por Monforte, acompañados por un guía que era como unha Enciclopedia de tanto como sabía, así que os que QUIXERON APRENDER, de seguro que o fixeron!!!

Trinta aniversario da morte de Bob Marley

2011-05-11T22:46:00.003+02:00

Hoxe cúmprense 30 anos da morte do rei do reggae, o xamaicano Bob Marley.

Escoita unha das súas marabillosas cancións: http://youtu.be/S5FCdx7Dn0o

DÍAS DA CIENCIA NA ESCOLA

2011-05-11T13:13:00.006+02:00

A ciencia soe estar dentro das aulas, pero durante dous días estivo tamén nos vestíbulos e nos corredores do noso colexio. Os alumnos da ESO prepararon unha exposición cos seus traballos e diversos experimentos e, por quendas, o resto dos alumnos de Secundaria e os alumnos de Primaria escoitaron as súas explicacións, viron como se desenvolvían certos fenómenos físicos e aprenderon a convivir coa ciencia.
Os Departamentos de Física e Química e Bioloxía e Xeoloxía foron os encargados de poñer en marcha este proxecto.

XORNADAS PLAMBE 2011

2011-04-13T13:21:00.008+02:00

Os días 7 e 8 de abril celebráronse en Santiago de Compostela as Xornadas do Plan de Mellora de Bibliotecas Escolares e alí estivo o noso cole, non só como membro integrante deste Plan, senón tamén para contar os proxectos de traballo que fixemos en cursos anteriores con respecto ás Bandas Deseñadas.

Ademais das mesas de experiencias arredor das bandas deseñadas e do cine, asistimos ás seguintes actividades:

Unha conferecia de Teresa Mañá e Mónica Baró, que falaron dun amplo e ben feito proxecto sobre a avaliación das bibliotecas.

Unha reunión das bibliotecas escolares pertencentes ao CEFORE da Coruña, donde intercambiamos impresións.

A conferencia de clausura das Xornadas a cargo de NEIRA VILAS, que foi unha auténtica delicia.

Para ver o que nos vimos, oír o que oímos e dispoñer do todo o material só hai que premer AQUÍ e entrar como CONVIDADO.

BOTADE UNHA OLLADA PORQUE É MOI INTERESANTE.

Unha explicación sinxela sobre como funciona unha central nuclear

2011-04-02T22:19:00.004+02:00

A partir do desastre ocorrido en Xapón moitos nos preguntamos que é unha central nuclear e como funciona.

Atopamos esta explicación que, aos que temos "lagoas" científicas, nos vén moi ben para enteirarnos de como vai isto das nucleares:

Na maioría dos casos, para xerar enerxía necesítase un alternador, unha turbina, algo que xira moi rápido e que produce electricidade, pero claro, para mover ese “algo” necesitamos proporcionarlle enerxía... así que hai que ter unha especie de caldeira onde conseguimos temperaturas altísimas e movemos turbinas a unha velocidade enorme que á súa vez moven un alternador.

A enerxía nuclear obtida nunha central nuclear baséase nun fenómeno denominado Fisión. Si realizamos unha fisión dentro dunha caldeira, a agua dentro da caldeira quéntase e así producimos vapor que canalizamos a unhas turbinas que á súa vez se moven e xeran electricidade. Despois ese vapor vai a unha torre de refrixeración onde se enfría e volta a comezar.

Mäis ou menos así é como funciona unha central nuclear de terceira xeración, aínda que actualmente xa se usan as centrais de cuarta xeración, din que máis seguras e eficientes cás antigas.

BICICLETA, CUCHARA, MANZANA

2011-03-20T12:32:00.002+01:00

RECORDADE que este ano é o anos dos bosques, da química e do alzheimer. Pois... falemos un pouco desa enfermidade.

BICICLETA, CUCHARA, MANZANA, son as tres palabras que un enfermo de alzheimer (representados todos por Maragall neste documental) debe recordar...

Só con que pinchedes aquí xa entenderedes de que vai este mundo tan descoñecido aínda e polo que hai tanto que facer.

UN ANTROIDO MOI (PRE)HISTÓRICO!

2011-03-09T16:18:00.003+01:00

O noso antroido recolleu o tema do cole: A prehistoria e as primeiras civilizacións. Mestres e alumnos elaboraron os seus traxes e adornos, prepararon as súas esceas e fixeron un desfile cheo de cor, ledicia e bo facer. Parabéns!

A muller esquecida: Clara Campoamor

2011-03-08T10:58:00.001+01:00

No día da muller que se celebra hoxe, non podemos deixar de recordar a Clara Campoamor, a muller que defende e consegue o voto para a muller en 1931, época da II República en España.

Os discursos políticos para apoiar a tese de que as mulleres non debían votar pódense resumir nas palabras de Nóvoa Santos, quen afirmaba no ano 1931:

“A la mujer no la dominaban la reflexión y el espíritu crítico, se deja llevar siempre de la emoción, de todo aquello que habla a sus sentimientos; el histerismo no es una simple enfermedad, sino la propia estructura de la mujer”.

ÁS MULLERES,GRAZAS A ELA, QUÉDANOS O VOTO!!!

ENTROIDO

2011-03-05T21:23:00.004+01:00

Pois outro ano máis para celebrar o noso Entroido. E outro ano máis que se disfrutou da festa, dos disfraces, das actuacións de todos os cursos (?) e da maxia destes días, aínda que -coma sempre tamén- ía un fríooooooooooo.........................

EXPOSICIÓN: O xacemento arqueolóxico de Santa Comba

2011-03-01T18:30:00.009+01:00

O 28 de febreiro de 2011 inaugurouse no CPI Castro Baxoi unha exposición sobre o xacemento arqueolóxico de Santa Comba, situado en San Martiño de Covas (Ferrol). Foi presentada aos alumnos de 3º e 4º da ESO polo presidente da Sociedade Cultural Columba, Xosé López Hermida.

Fixo a presentación do acto Antón Prego, profesor de debuxo no noso centro e presidente da Asociación Ardóbriga.
Este acto intégrase dentro do proxecto do noso centro DENDE AS CAVERNAS ÁS ESTRELAS, que no presente curso está dedicado á prehistoria e as primeiras civilizacións. Nos vindeiros días levaranse a cabo outras actividades relacionadas con este tema: unha conferencia dun arqueólogo e unha visita a un castro da zona.
[img] http://www.sinsopa.com/nautica/playas/fotos/playas_1826.jpg

As mulleres sosteñen a metade do ceo (Mao Tsé Tung)

2011-02-25T20:07:00.002+01:00

Hoxe os de 4º ESO comentámosvos un libro de Nicholas Kristof e a súa muller Sheryl WuDum: A metade do ceo: como cambiar opresión en oportunidade para as mulleres do mundo. Con el pretenden cambiar a dinámica e o paradigma da loita a favor das mulleres.

Falan no libro da discriminación de xénero máis dura e escandalosa: aquela que se leva por diante a vida de millóns de mulleres. Sabemos que 100.000.000 de mulleres “desapareceron”, é dicir, naceron e deberían estar vivas, pero NON O ESTÁN porque MORRERON ANTES DE TEMPO.

Como é posible, por exemplo, que non sexa noticia que 100.000 nenas chinesas sexan secuestradas cada ano para instalalas en burdeis? Ou que centenares de miles de mulleres sufran a fístula obstétrica sen que a súa erradicación sexa unha prioridade da Organización Mundial da Saúde? (Preto de 1.500.000 mulleres –só en África- padecen o resultado do abandono no momento do parto).

¿CANDO CHEGARÁ A HORA DA VIDA PARA ESES millóns de MULLERES?

Agora imos cos comentarios. Comezamos nós, pero seguide ... Gustaranos ler o que opinades sobre este libro que tanto nos impactou!

Gañadores do concurso amoroso

2011-02-08T09:54:00.003+01:00

Os gañadores do concurso de cartas de amor que organizamos no cole para festexar a Candeloria son:

5º PRIMARIA: Paula Míguez

6º PRIMARIA: Meliza Polanco

1º ESO: Helena Fernández

2º ESO: Ángela Alage

3º ESO: Laura Lorenzo e Kathy Sagarduy

4º ESO: Juan Andrés Campos e Silvia Blanco

PARABÉNS A TODOS-AS por esas cartas tan chulas!

Libros para comer

2011-02-05T19:55:00.005+01:00

Como este ano é o centenario do nacemento de Álvaro Cunqueiro, imos falar un pouco de cociña e de libros (xa sabedes que Cunqueiro foi un gran gastrónomo e que lle encantaban os pexegos dun xeito especial a partires de que soubo que esa froita chegara dende Oriente nos petos duns soldados cautivos). Pois en Galicia, terra de "prato grande e de trago longo", foron seleccionadas 11 obras gastronómicas para competir na final de París dos premios "Gourmand", considerados os galardóns máis importantes do sector. Os 11 libros, por se queredes "paladealos", son:
-A rosa do viño (Galaxia) e A mesa e manteis (Biblos), de Xavier Castro

-Guía secreta da gastronomía de Galicia-Ourense (Alvarellos) e O Barquilleiro, vendedor de olvido (Toxosoutos), de Martín Álvarez

-Larpeiros (Everest), de Benigno Campos

-Santiago(É)tapas (Baía) e A cociña do mar (Baía), de Mariona Quadrada

-Nicolás cocina sin fuego (Kalandraka), unha liña especial para nenos con autismo

-No país das vacas, (Xerais), de Xurxo Lobato

-Castaña, patrimonio gastronómico, do restaurante A Rexidora

-Outra obra do Restaurante Caney

SORTE NO CONCURSO!

Morreu John Barry

2011-02-01T16:28:00.004+01:00

O xenial compositor da música de pelis como: Axente 007, Titanic, Bailando con lobos, Nacida libre...

Premede e voade por riba do continente como Robert Redford e Meryl Streep en MEMORIAS DE ÁFRICA, escoitando a súa marabillosa música. Nese enlace tamén podedes escoitar máis temas doutros filmes cinematográficos.

A pregunta da semana 2010-2011

2011-01-28T09:18:00.005+01:00

O tema que propón a biblioteca para este curso é A PREHISTORIA E AS PRIMEIRAS CIVILIZACIÓNS e está enmarcado nun proxecto máis amplo que titulamos DENDE AS CAVERNAS ÁS ESTRELAS, xa que pretendemos facer un percorrido polas diferentes etapas históricas que nos levará varios cursos.

Imaxe de eltamiz.com

Dende as cavernas ás estrelas_Prehistoria e primeiras civilizacións_Tríptico

Publish at Calaméo or browse others.

Premer AQUÍ para ler a presentación da actividade.

Unha das actividades relacionadas con este tema é A PREGUNTA DA SEMANA, elaborada polo Departamento de Xeografía e Historia. Os alumnos, en grupos, deberán resolver durante a semana a pregunta que se lles plantexa, empregando os recursos da nosa biblioteca, entre os que están 8 postos informáticos que lles permiten o acceso á información virtual.

A pregunta da semana_Bases

Publish at Calaméo or browse others.

Premendo AQUÍ pódense consultar as bases para participar nesta actividade.

Seguimos celebrando..

2011-01-24T20:11:00.003+01:00

Bajo el lema “Química; nuestra vida, nuestro futuro”, el Año Internacional de la Química pretende la celebración a nivel mundial de sus logros y su contribución al bienestar de la humanidad.
Los objetivos son aumentar el reconocimiento público de la Química en el mundo como conocimiento fundamental para satisfacer las necesidades de la sociedad, fomentar el interés por la química entre los jóvenes y apostar por el futuro creativo de esta rama de la ciencia.
El año 2011 coincide con el centenario del Premio Nobel de Química otorgado a Madame Marie Curie (1911): una oportunidad para celebrar las contribuciones de las mujeres a la ciencia.

Aquí os dejo este video para saber más sobre Madame Curie

2011 AÑO INTERNACIONAL DE LOS BOSQUES

2011-01-16T21:10:00.008+01:00

La ONU ha declarado el 2011 como Año Internacional de los Bosques.

El objetivo es aumentar los esfuerzos por evitar la deforestación de millones de hectáreas de selva tropical cada año, fundamentales para la subsistencia de miles de especies y para luchar contra el cambio climático.

El logotipo expresa la necesidad de ver los ecosistemas forestales desde una perspectiva completa: Dan cobijo a las personas y hábitat a la biodiversidad, son una gran fuente de alimentos, productos medicinales y agua y juegan un rol vital en la estabilidad climática del mundo

Xa escribistes a carta?

2011-01-04T10:29:00.002+01:00

Se a escribistes... que lles pedistes?
Se non a escribistes aínda, bulide! Case non queda tempo...

2011

2011-01-01T20:33:00.002+01:00

BO ano a todos-as!!!

Parabéns e grazas!

2010-12-22T19:44:00.004+01:00

Parabéns aos nenos-as de 4º que levaron o peso do rastrillo solidario para axudar aos nenos ex soldado porque aguantaron como campións o frío, as horas e minutos e as miñas "riñas"... e conseguiron recadar 220 eurazos!!!
E grazas, claro, a todos-as os que axudastes comprando as nosas cousiñas, sinxelas, pero feitas co corazón.
Se queredes saber máis, entrade no blog dos nenos ex soldado.
BOAS VACACIóNS!!!

Festival de Nadal

2010-12-22T13:38:00.003+01:00

Hoxe chegaron ao noso cole os Reis Magos, como adianto ás festas do Nadal.

A todos BOAS FESTAS.

II CONCURSO DE PANXOLIÑAS

2010-12-22T09:39:00.004+01:00

Onte, no Centro social de Miño, os alumnos de Secundaria participaron no Segundo concurso de panxoliñas, organizado pola profesora de música Patricia Cubillo. Foi iun día moi axetreado; houbo moitos nervios por parte dos participantes xa que tiveron que organizar o espectáculo, instrumentar etc.
O programa foi o seguinte:
·2ºB: Versionando unha das cancións da banda sonora de Titanic, My hearth will go on, de Celine Dion, Viaje hacia el Amor. Recibiron a mención á mellor instrumentación.
·2ºA: Versionando a canción de Michael Jackson Heal the World, Recuerda la Navidad. Recibiron a mención ó mellor conxunto vocal.
·3ºA: Versionando a canción de Michael Jackson e outros We are the World, La Luz que nos Ilumina. Recibiron a mención á mellor posta en escea.
·3ºB: Versionando a canción de Scorpions, Rock you like a Hurricane, Rock in Navidad. Recibiron a mención á letra máis orixinal.
·4ºA e B: Versionando a canción de Bisbal e K'naan, Wavin'0 Flag, Unidos en Navidad. FORON OS GAÑADOREES!

Esperamos que para o ano isto se repita, e mellor!

Nota: Imaxe obtida de google (www.maristasvigo.es)

Obradoiro de ilustración científica: Debuxar a natureza

2010-12-20T20:59:00.006+01:00

Hoxe os alumnos de 4º de ESO asistiron a un Obradoiro de ilustración científica centrado nos bosquexos de campo. Calros Silvar, naturalista e ilustrador, amosou as técnicas para tomar notas do natural e debuxar prantas e animais.

Unha reflexión

2010-11-29T22:48:00.005+01:00

“De todo o que levo lido sobre etoloxía, os gorilas coidan mellor as súas “mulleres” e fillos que os “gorilas humanos”. Nós, como especie, onde perdemos o “norte”? ”
Unha reflexión para o día contra a violencia machista dunha profe do cole.
Sabedes quen?

25 de novembro- Día contra a violencia de xénero

2010-11-26T11:13:00.004+01:00

O 25 de novembro celebramos no noso Centro o día contra a violencia de xénero. Lemos contos, escoitamos cancións, escribimos textos e eslogans e fixemos exposicións.

Adiós a un gran cineasta

2010-11-14T12:36:00.005+01:00

Esta semana falleció García Berlanga, uno de los directores más importantes del cine español .

Fue galardonado con numerosos premios como el Príncipe de Asturias de las Artes en 1986, el Premio Nacional de Cinematografía (1981) y la Medalla de Oro de Bellas Artes (1983) y representó a España en los Oscar, en más de una ocasión.

Berlanga supo combinar en sus películas, la crítica, la ironía , el humor y el buen cine.

Títulos, entre otros como "!Bienvenido Mr Marshall!", "Plácido", "La vaquilla", "La escopeta Nacional" nos dejan el recuerdo de este gran cineasta

Olaaaaaaaaaaaa...

2010-08-31T17:04:00.011+02:00

Ola, outra vez por aquí neste inicio dun novo curso. Veña, veña, imos animarnos despois deste verán tan chulo e coller folgos para comezar un novo curso con alegría e bo humor, ademais de con interés e ganas de traballar. NOOOOOOOOOOOOON???
Un bico a todos-as e xa nos vemos pronto. Os-as que non nos vexamos, espero que pasedes polo cole de cando en vez para contarnos que tal vai a nova vida fóra destas paredes que tantos anos vos viron subir e baixar. Vale?

OLÉEEEEEEEEEEEEEEEEEEE

2010-08-01T20:15:00.005+02:00

Visca Catalunya!
Si, visca porque nesa comunidade o Parlamento acaba de prohibir -a partir do 2011- as corridas de touros.
Visca! E que cunda o exemplo!

E agora uns haikus chulos chulos (dunha tal Madoé...) para festexalo:

Xa nace negro
para morrer de loito
o touro bravo.

Brinca no campo
ignorante e bravo.
¡Pobre touriño!

¿Que pensará
dos animais das gradas
o touro bravo?

¡Como me gusta
a cor do touro bravo
sen o vermello!

BO VERÁN A TODOS-AS!!!

2010-06-24T18:12:00.002+02:00

ADEUS A SARAMAGO

2010-06-19T13:16:00.003+02:00

Morreu aos 87 anos o escritor portugués, premio Nobel, ao que lle podemos engadir adxectivos cualificativos como: íntegro, marxista (el definíase como comunista libertario), austero, serio, sereno, pesimista... De feito unha das súas famosas frases foi: "Los únicos interesados en cambiar el mundo son los pesimistas, porque los optimistas están encantados con lo que hay".
Tamén dixo que había que sacar a palabra UTOPÍA do dicionario porque a utopía era "mañá" e as cousas hai que facelas HOXE! Cando un xornalista lle dixo:
-Vostede gañou o premio Nobel...
El contestou:
-Si, gañei o Nobel... E que?
Que vos parece esa resposta?
Pois iso. Adeus, Saramago. Moitos de nós botarémoste de menos!

O NOSO POEMA, POR FIN DEBUXADO

2010-06-08T18:07:00.000+02:00

Miriam e Andrea (4ºA ESO) fixeron o fermoso debuxo para o poema que se elaborou o día do libro na viaxe a Porto. Colocarémolo na baixada á biblioteca, ao lado do panel onde están as palabras que saíron da lectura continuada na libraría Lello e irmao. Miriam tamén escribiu o poema, "O adeus de seda", feito polo club de lectura Salicornia e algúns alumnos-as do IES Castro da uz.

Viaxe ao Courel

2010-05-23T21:48:00.002+02:00

Para celebrar o día das Letras galegas,os de 4º ESO (cos de 1ºBAC de As Pontes) estivemos no Courel o día 18. Durmimos nas cabanas de Esperante (dixen durmimos??? jejeje...) e ao día seguinte fomos facer a ruta da Devesa da Rogueira. Unha ruta dura pero preciosa, na que vimos un lagarto, a víbora do Courel, plantas carnívoras (a grasilla), a fonte do cervo, pegadas de xabaríns... e unha preciosa vista dende o cume, no alto do Couto. Tamén nos achegamos á casa de Novoneyra.

A revoluçao dos cravos

2010-04-25T11:39:00.003+02:00

Hoxe hai 36 anos, ás 12 h. da noite, soaba na radio "Renascenza" portuguesa a canción de José Afonso: Grándola, vila morena. Era o sinal para comezar a Revolución dos caraveis, movemento que derrocaría o rexime ditatorial de Salazar.
Portugal está hoxe de festa!

É NOS QUE LEMOS?

2010-04-21T09:37:00.002+02:00

A exposición E NÓS QUE LEMOS? xa está montada no vestíbulo de Secundaria.
Alumnos de 2º e 3º ciclo de Primaria e case todos os de Secundaria, pais e nais, profesores e amigos recomendaron un libro e/ou falaron da súa relación coa lectura.
Temos, pois, unha selección de libros e autores extraordinaria e tamén unhas vivencias arredor do feito de ler que paga a pena ollar.
Acheguémenos ata estas fiestras ao interior de todos nós e disfrutemos do que outros tamén disfrutaron.

UN FADO

2010-04-20T23:27:00.002+02:00

Escoitade un bonito fado de Mariza e de paso aprendede algo de portugués. Que lingua tan bonita!

Viaxe a Porto

2010-04-20T23:18:00.002+02:00

Este xoves o club de lectura Salicornia do noso cole imos a Porto para celebrar o día do libro na libraría Lello e irmao, unha xoia por dentro e por fóra. Aquí tedes un vídeo que nos presenta a cidade portuguesa.

Tal día como hoxe

2010-04-18T11:36:00.002+02:00

O 18 de abril de 1912 o Titanic choca contra un iceberg ás 23.40, na súa viaxe inaugural. Remataría afundíndose ás 2.20 h. da madrugada seguinte.

AUTOR-A?

2010-04-12T19:30:00.003+02:00

Sabedes de quen é este precioso debuxo? Unha pista: trátase dun-ha profe...

Nova era para a Física?

2010-03-31T22:23:00.006+02:00

O LHC, acelerador de partículas europeo, realizou o día de onte, martes 30 de marzo, o esperado choque de protóns co que se pretende coñecer a orixe do Universo. Resumindo moito, o experimento consiste en reproducir un “mini Big Bang” en laboratorio, é dicir, aproximarse coa maior máquina construída polo ser humano en todos os tempos ás condicións que existían unha MILMILLONÉSIMA parte de segundo despois da creación do Universo. Case nada, verdade?

A aventura foi así: nun xigantesco túnel de 27 Km. de diámetro, situado a 100 m. baixo terra da fronteira francosuíza, os protóns colisionaron cunha enerxía de 7,5 teraelectronvoltios (menuda "palabreja", eh?), o que significa tres veces e media maior do que xamais se tiña conseguido.

A tamén coñecida como “máquina de Deus” desenvolverá a súa máxima potencia (14 teraelectronvoltios, ou sexa case o dobre da conseguida onte) en 2012. Será entón, din os científicos, cando a "maquiniña" atope a “partícula divina”, a que aporta masa as demais.

Os físicos afirman que é un bo día e que a partir de agora poderán participar nunha nova fronteira do coñecemento.

IMPRESIONANTE, non si?

BENVIDA

2010-03-20T18:49:00.007+01:00

A primavera xa está connosco dende o sábado, 20 de marzo, ás 18,30h.!

Decálogo

2010-03-18T23:05:00.007+01:00

Son as 10 recomendacións que nos fan os alumnos e alumnas de 4ºA ESO para sermos lingüisticamente sostibles!

Novo libro para a biblio

2010-03-14T20:43:00.004+01:00

Outra creación máis dos nosos artistas. Desta vez é o alumnado de 3º e 4º ESO o que fixo un libro precioso, cun título non menos guai: FLORES E TOXOS. A portada é obra de Mirian Anido e Andrea Montero. De momento podedes ir léndoo aquí. Para a semana do día do libro contamos telo xa impreso e transformado en libro.
Gústavos?

Flores e toxos

Publish at Calaméo or browse others.

8 DE MARZO, DÍA DA MULLER: Famosas? Famosas!

2010-03-10T23:30:00.004+01:00

O 8 de marzo é o Día da muller.
A nosa celebración será un xogo que nos proporcionou a Biblioteca do IES Río Cabe de Monforte: Famosas? Famosas!, a quen lle agradecemos o préstamo. Lemos biografías e familiarizámonos cos retratos de mulleres importantes ao longo da historia.

Para conmemorar este día, imos recordar a moitas mulleres que destacaron en diferentes campos ao longo da historia e que non son tan coñecidas como deberían.
Presentaremos nun taboleiro as súas biografías e os seus retratos e convidámosvos a xoguedes a identificalas. Non será doado, pero si será divertido.
Na exposición que estará ao lado do taboleiro tamén poderedes ver as biografías que temos na biblioteca.
Para encetar o xogo, pensade quen pode ser a muller deste retrato. Para facilitarvos a tarefa, direivos que é a protagonista dunha película de Aménabar e que tamén protagoniza a primeira pregunta da nosa actividade A PREGUNTA DA SEMANA.

O SON DO MAR

2010-03-06T21:29:00.006+01:00

A Coruña foi elixida como a cidade onde o son do mar é o máis bonito do mundo (na gravación pódese escoitar o son das gaivotas e das ondas... mágoa non ter atopado outro vídeo). O concurso fíxose en Polonia e participaban 620 cidades de todo o mundo.

Os animais tamén teñen dereitos

2010-03-01T16:43:00.013+01:00

O alumnado de Ética de 4º ESO A traballou cos dereitos dos animais porque eles tamén os teñen, aínda que ás veces ... -demasiadas- ... o esquezamos.

Se queres ver a publicación en grande, preme aquí.

Publish at Calaméo or browse others.

ORGULLOS@S DO GALEGO

2010-02-27T18:11:00.006+01:00

Luís Tosar, María Castro, Martiño Rivas, Susana Seivane, Antón Reixa, Isabel Risco, Carlos Ares, Belén Regueira... son os protagonistas dunha campaña en favor da lingua.
Trátase dunha iniciativa da Coordinadora de Equipos de Normalización e Dinamización Lingüística que vos invita a participar cos VOSOS PROPIOS VÍDEOS. Se vos animades, contade co noso apoio!

E NÓS QUE LEMOS?

2010-02-20T17:23:00.005+01:00

Despois de ver a exposición "E ti que les?" que tivemos no cole durante uns meses, agora tócanos a nós contar cal é o noso libro preferido. Organizaremos unha exposición na que alumnos, familiares, profes e persoal non docente e persoas da vila escriban acerca dun libro que perdura no seu recordo. Haberá que acompañar o texto cunha fotografía persoal.
Animádevos! Cremos que resultará unha bonita exposición para colocar no noso vestíbulo.

ESTIVEMOS DE ENTROIDO

2010-02-15T09:40:00.005+01:00

Celebrando outro ano máis, desta volta con personaxes da Banda deseñada. Había moitos Zipi e Zape, acompañados de Don Pantuflo e a súa esposa; tamén desfilaron os superchikis, el Zorro... Houbo mafiosos, un comando de limpeza, negros caníbales e ata vimos escenas de "Grease".
Pasámolo ben, pero os que máis se divertiron foron, sen dúbida e como sempre, os máis pequenos.

Poemas de amor

2010-02-12T00:10:00.005+01:00

Chega o día de San Valentín e todo se enche de corazóns vermellos, de rosas, de poemas e de exaltación do amor. E por que non? O amor é un sentimento fermoso, ainda que a excesiva comercialización da data o desvirtúe un pouco. Nas nosas mans está elexir un xeito ou outro de celebralo (ou de non celebralo).
Para os que queirades ler algúns poemas de amor, ahí vai a selección que nos envía Adela Troncoso desde O IES Val do Tea:

Poemas de amor

Publish at Calaméo or browse others.

Premede AQUÍ para ler os poemas.

Poemas_amor

Publish at Calaméo or browse others.

Premede AQUÍ para ler os poemas.

Entrevista no cole

2010-02-06T10:32:00.002+01:00

O xoves estivo Ramón Segura, un xornalista que agora traballa na publicación miñense "Mi pueblo", para facerlles unha entrevista aos rapaces de 3º ESO que tiveron a gran idea de recadar fondos para Haití no noso cole. Agardamos ler pronto o xornal local.

PREPARANDO SAN VALENTíN

2010-02-03T22:55:00.002+01:00

Escribimos palabras de amor, amizade, cariño, tenrura, desexos... a unha persoa do cole. Un “carteiro dos sentimentos” entregaraas á persoa a quen vaian dirixidas o 12 de febreiro, escritas sobre un corazón. Os textos serán anónimos para que adiviñedes quen é o voso “amoramigo” invisible.

O ano que vén cambiaremos a data para festexar o día dos namorados: en lugar dese día tan comercial –San Valentín-, celebraremos o AMOR o día 2 de febreiro, data da CANDELORIA, unha festa moi de noso.

A Candeloria é a festa da luz, o día en que “casan” os paxaros e nacen os años, o preludio da primavera e, polo tanto, o día dedicado ao amor na nosa terra. A súa orixe está nunha antiga festa celta de carácter pagá, na que se colocaban candeas nas fiestras das casas en honor á deusa da nova lúa.

Aquí hai máis cousas, ide lendo.

PABLO ALBO veunos contar os seus contos

2010-02-03T17:19:00.004+01:00

Esperabamos a PABLO ALBO, pero entrou o seu alter ego PEDRO ÁRBOL e as preguntas empezaron a saír coma lóstregos, a rebotar nas paredes, a ir e vir pola sala. El collíaas con xeito e respondía, pero chegou un momento no que era imprescindible coñecer ao protagonista, xa que só el podería contestar a certas preguntas. E veu. E contestou, e fíxonos rir e contounos algo moi interesante:as historias están nas nosas cabezas e só hai que ter un pouco de tempo, un lápis e un caderno para contalas. Despois tamén nos contou un pouco do seu próximo libro (que teremos que ler porque non sabemos como acaba)e a historia dun pobo moi silencio no que un día o ruído foi infernal. E axudásmolle a contalo porque nos invitou a facelo.
Grazas, Pedro Árbol. Grazas, Pablo Albo.

Para saber máis del e do seu traballo premede AQUÍ

A nosa oliveira

2010-02-03T16:52:00.004+01:00

Onte ía frío, pero tamén quentaba o sol. A media mañá chegou ao noso cole a oliveira e alí estabamos todos esperándoa. Fixémoslle un sitio entre as camelias e foise acomodando, non sen certo traballo ¿pesábanlle os anos ou o feito de deixar a terra que a aloumiñaba? Non o sei. Non sei se ela está leda, se lle gusta o recendo das nosas marismas, se os nosos berros durante os recreos lle resultan agradables,se desexaría ollar outras paisaxes... Non o sei, pero ela min ela gústame, e creo que aos demais tamén. Achegámoslle terra para que a se alimente ben e cantámoslle para que transmita os nosos desexos de paz ao vento que virá acariñala. Daquí en diante será a nosa compañeira e a súa presenza recordaranos a necesidade de traballar en prol da paz no mundo.

A nosa comunidade escolar é solidaria!

2010-01-31T22:03:00.005+01:00

Como xa sabedes, por iniciativa dunhas rapazas de 3º de ESO fíxose unha recollida de donativos para axudar ao pobo haitiano. A Comunidade Escolar acolleu con entusiasmo a idea e recolléronse 960 € que foron ingresados na conta que a CRUZ VERMELLA ten en Caixa Galicia. Desde aquí queremos agradecer a toda a Coumindade Escolar a súa colaboración e desexamos que esta pequena parte do que nós temos chegue aos que todo perderon. Grazas a todos, e en especial a Luisa, Fernando, Carla e Irene.

Película para reflexionar

2010-01-30T21:02:00.004+01:00

Esta película foi a gañadora nun festival de cine en Alemania... só dura 6 minutos, pero debería quedar para sempre na nosa retina. É impresionante!

View this movie at cultureunplugged.com

Día da PAZ

2010-01-25T15:54:00.005+01:00

O 30 de xaneiro celébrase o Día da Paz. No cole plantaremos a oliveira que compramos entre todos e arredor dela colocaremos todos os traballos que se están a realizar nas aulas durante estas semanas: lemas, pedras pintadas, postais para os nenos ex soldado, carteis, raps... E un precioso manifesto feito polos alumnos de 3º ESO:

MANIFESTO POLA PAZ

PROTESTAMOS POR:
As guerras, as inxustizas do mundo, protestamos pola xente que lle fai dano aos demais, polos programas violentos de TV, pola sociedade agresiva, polos maltratos que sofren os nenos e as mulleres, polo racismo, polo machismo, pola xenofobia, polas existencia de enfermidades que se poderían curar, pola fame, polo analfabetismo, polas discusións dos políticos que non levan a ningunha parte; pola falla de hospitais e escolas en moitas partes do mundo, polo estado de benestar que nos impide ver as traxedias que hai, polo egoísmo, pola indiferenza...

DESEXAMOS QUE:
Se destrúan todas as armas do mundo e non se derroche máis diñeiro en loitas e guerras, que se constrúan hospitais, escolas e estradas; que a xente teña dereito á sanidade gratuita; que nos ensinen dende pequenos a facer o ben e a pensar nos demais; que a pomba deixe o seu espírito nos corazóns de todas as persoas. DESEXAMOS amor, amizade,sorrisas,apertas, bicos, aloumiños ...

POR TODO ISTO: PEDIMOS, non! mellor ESIXIMOS!!! que todos nos impliquemos en conseguir o que desexamos e acabar dunha maldita vez co que protestamos.

Texto básico: Juan Picos, Manuel Amado, Adrián Ramos e Fernando López.
Colaboradores: todo o curso de 3ºA

XENTE BOA

2010-01-23T10:49:00.004+01:00

Pedro Cavadas (Valencia, 1965), é un ciruxano reparador e reconstrutivo, autor do primeiro transplante de cara da medicina española. Tamén reimplantou mans, converteu un brazo dereito en esquerdo, salvou unha man coséndoa durante nove días á perna do paciente...
África cambiou a súa vida.
El non oculta o seu pasado “pijo”, de condutor de 'Porsche' polas avenidas de Valencia. Pero, asegura, unha visita a África cambiouno para sempre. Decidiu viaxar a Kenia para «facer turismo de adrenalina, coa idea de salvar uns cantos negriños e volver a casa contento». Pero... o que viu alí alterou todo. «O mundo real está en África. Alí as peores feras son as persoas. As liortas por un pozo de auga resólvense a tiros ou a machetazos», di.
Cavadas renunciou ao luxo, vendeu o seu deportivo, enviou os cartos a Kenia e creou unha fundación en Valencia para tratar a persoas con poucos recursos. «Ninguén que requira de min un tratamento vai quedar sen el por falta de cartos», asegura.
E todos os anos volve a Kenia, onde pasa longas tempadas reconstruíndo corpos.
Le a entrevista, gustarache.

AXUDA A HAITÍ

2010-01-22T16:39:00.004+01:00

Por iniciativa de Irene, Carla e Luísa (3º ESO), no noso cole estanse a recadar cartos para enviar a Haití. O luns 25 pasarán polas aulas con huchas para conseguir os vosos donativos e despois facer o ingreso nun número de conta de axuda aos damnificados. COLABORADE! Nese país o caos e a pobreza son enormes e necesitarán todo o apoio internacional posible.

DECÁLOGO PARA SER LINGÜÍSTICAMENTE SOSTIBLES

2010-01-19T10:13:00.002+01:00

Nestes momentos nos que falamos de linguas, é importante ver o seguinte traballo sobre sostenibilidade lingüística, que poñen á nosa disposición varios compañeiros do PLAMBE. É unha traducción do Decálogo elaborado polas Universidades catalanas feita por Adelia Troncoso; esta presentación é de Mónica Muñoz.
Lede, disfrutade e poñédeo en práctica.

Decálogo para ser lingüísticamente sostibles

SEGUIMOS REFLEXIONANDO: ENFERMIDADES "CURABLES"

2010-01-16T14:36:00.003+01:00

Con só ter un pouco de boa vontade e non mirar para o embigo propio... podemos, por exemplo, curar enfermidades mortais como a de CHAGAS en países de Sudamérica (Colombia, Venezuela, Arxentina, Ecuador...). Pensar que, só con PINTAR as paredes de adobe de certas casas e manter controlado o entorno, se pode erradicar unha enfermidade provocada por un insecto (a VINCHUCA) que vive na humidade das paredes e que ISO NON SE ESTÁ A FACER... pon os pelos de punta. Non si?

PARA REFLEXIONAR!!!

2010-01-14T22:17:00.004+01:00

Escribide moitos comentarios. Dentro duns días celebraremos o día mundial para a PAZ e estaría ben que non fose só un día máis. Só unha pequena explicación do vídeo: trátase dun experimento realizado con 21 pequenos dunha escola infantil de Harlem (o barrio negro de Nueva York)realizado en 2004 por unha estudante de Manhattan, seguindo os pasos do "Test da boneca" feito en 1954 por Kenneth Clark.

O DÍA DA PAZ

2010-01-13T10:45:00.002+01:00

O próximo 30 de Xaneiro celebraremos o día da Paz.Aquí tedes un cartel preparado polo CEIP DE ESTEIRO (Ferrol) para abrir boca:

E o 2010 tamén é o ano da lectura

2010-01-08T18:13:00.006+01:00

¿Non dixemos que ía ser un ano importante? Pois o 2010 tamén foi declarado pola Xunta de Galicia o ANO DO LIBRO E DA LECTURA. Aquí tedes o folleto. (Para saber máis cousas ide ao blog de Salicornia, onde tamén atoparedes unha páxina para troco de libros).

2010, un ano importante

2010-01-05T13:03:00.007+01:00

Ademais do ano das culturas, tamén é o ano dedicado á BIODIVERSIDADE. Non o esquezades porque será moi importante para concienciarnos de que coidemos moito máis o noso planeta. Só durante o ano 2009 desapareceron unhas 30.000 especies vexetais!!! Estas teñen moita importancia porque a natureza garda tesouros incalculables. Mirade, acaba de atoparse unha substancia nun cogomelo que axuda na curación de distintos tipos de cancro. Trátase dun champiñón salvaxe que é un verdadeiro antibiótico do bosque. Imaxinade que fose un dos desaparecidos! E coma este haberá moitos outros aínda por descubrir. Por iso, a ver se este ano serve para convencernos de que hai que preservar as marabillas que contén o planeta azul.

CHEGA O 2010

2009-12-29T21:00:00.006+01:00

E este ano que comeza dentro duns días foi declarado pola ONU como "o ano internacional do achegamento das culturas".

Baixo o lema "Unha Soa Cultura" conmemorarase o 400 aniversario da obra de Galileo "Sidereus Nuncius" (o mensaxeiro sideral), publicación que marcaría un antes e un despois na concepción que se tiña do mundo por representar o colapso da teoría xeocéntrica. Trátase dun breve tratado, o primeiro baseado en observacións astronómicas realizadas cun telescopio, escrito en Latín por Galileo Galilei e publicado en Venecia en marzo de 1610.

Pode que nos guste este ano. O achegamento entre culturas significa achegarse a entender un poco máis a cultura dos demais e facilitar a mutua comprensión dos pobos e das distintas formas de ver a vida... e iso tamén achega as persoas, que falta nos fai.

Se queredes ler algúns costumes curiosos sobre a celebración do fin de ano no mundo, premede aquí.

E agora, aí vai un desexo que nos envía para tod@s unha mestra de primaria do noso cole:

"Xa que 2.010 é un número redondo, estaría ben que o ano novo fose tamén así: esférico, sen arestas, sen caras tristes… E que todo vaia rodando ó noso gusto".

NÓS TAMÉN TEMOS UN "PAPÁ NOEL"

2009-12-17T23:19:00.010+01:00

Chámase o Apalpador e é un personaxe mítico do Nadal galego (especialmente da zona do Courel, Quiroga, Trives...) perdido e que desde hai un ano está sendo recuperado. Hai outros personaxes similares, por exemplo O olanchero de Euskadi, que substitúen a todos os "clásicos" que traen regalos por Nadal (Santa Claus, os Reis Magos, Papá Noel...).

O seu modo de proceder é o seguinte: a noite do 24 de Decembro (OLLO! PARECE SER QUE NON É ESTA A DATA NA QUE BAIXA, SENÓN QUE O FAI O DÍA 31 !!!, segundo nos avisa a autora do blog coa que enlazamos esta entrada) baixa da súa escura morada para ir visitar aos nenos e nenas galegas, e chega cando están xa durmidos. Apálpalles a barriga para ver se están fartos ou teñen fame (de aí o seu nome). Se o caso é o primeiro di: “Así, así esteas todo o ano”, e déixalle ao neno ou nena unha presiña de castañas. Se, pola contra, están famentos, fica calado e déixalle tamén unha manchea do froito do castiñeiro.

Se queredes saber máis só tedes que ir a:

http://dalleuncolinho.blogspot.com/2009/12/recursos-sobre-o-apalpador.html

Manual de emerxencia da BD

2009-12-16T23:07:00.003+01:00

Cerditos de Guinea Comics ven de poñer á nosa disposición o Manual de emerxencia de banda deseñada. É un documento moi interesante para coñecer como se crean os cómics, así que lédeo aquí mesmo, porque temos permiso expreso para editalo no noso blog, ou baixádeo para o voso ordenador desde o enlace seguinte:
http://www.cerditosdeguinea.com/

Manualdeemerxenciadebd

View more documents from macapredi.

Chegan as vacacións de Nadal!

2009-12-15T23:22:00.010+01:00

O Nadal chega sempre por Navidad.

Abrídelle a porta, total vai entrar...

(As palabras son dunha profe do cole. O debuxo é de Alex, 3º A ESO).

Outra felicitación de Nadal

2009-12-15T07:57:00.010+01:00

E Elvira -bio- felicítanos "a todos os blogueir@s do Castro Baxoi" con esta bonita postal debuxada por ela.

Os "nosos" Dereitos Humanos

2009-12-11T20:02:00.015+01:00

No cole tamén traballamos cos Dereitos Humanos, así que aquí están. De cada un fixemos un pequeno debuxo, comentario, anotación humorística...
Tamén colgamos carteis sobre os DH violados en moitas partes do mundo, escribimos palabras sobre globos e fixemos textos e debuxos contra a violencia de xénero. Oxalá sirvan para algo máis que para adornar as paredes!

Para ver o noso traballo premede AQUÍ.

Dereitos humanos e poesía

2009-12-11T09:52:00.003+01:00

Podemos seguir traballando os dereitos humanos con esta escolma de poesía que nos ofrece o IES de Fene desde a súa Biblioteca.

We're sorry, your browser doesn't support IFrames. You can still visit this item., however.

Dereitos humanos

2009-12-10T09:22:00.003+01:00

No mes de novembro celebramos dúas datas importantes en defensa dos Dereitos Humanos: o día dos Dereitos do neno (20 de novembro) e o día contra a violencia de xénero (25 de novembro). Hoxe, 10 de decembro conmemoramos a Declaración Universal dos Dereitos Humanos e temos que recordalo porque aínda non se respetan.
Os globos que o día 25 sacamos á rúa para solidarizarnos contra a violencia de xénero poden servir hoxe para reclamar que todos os seres humanos disfrutemos dos nosos dereitos.

Día internacional contra a violencia de xénero- 25 de novembro

Publish at Calaméo or browse others.

Preme AQUÍ para ver o noso cartel dos globos contra a violencia de xénero

Imos saber máis sobre os dereitos humanos

2009-12-09T21:55:00.010+01:00

A Cruz Vermella Española propón coñecer mellor os dereitos humanos a través dun xogo, que podedes atopar no seguinte enlace:

http://www.genmagic.net/derechos/indexfla.swf

Animádevos a xogar!

Declaración universal dos dereitos humanos

2009-12-09T20:50:00.009+01:00

Derechos humanos

Publish at Calaméo or browse others.

Para ler a Declaración Universal dos dereitos humanos, premede AQUÍ

10 de decembro, cumpreanos da Declaración Universal dos Dereitos Humanos

2009-12-09T16:47:00.008+01:00

O 10 de decembro de 1948, a Asamblea Xeral das Nacións Unidas aprobou e proclamou a Declaración Universal dos Dereitos Humanos, unha iniciativa que lembramos hoxe con algúns dos personaxes de Banda Deseñada cos que traballamos este ano na nosa biblioteca.

Oitenta anos con Popeye

2009-12-08T10:27:00.008+01:00

Hoxe GOOGLE celebra os 80 anos dun personaxe de BD: Popeye, "fillo" do debuxante estadounidense E.Segar, nado hai 105 anos. Este "heroe de papel" fixo famosas as espinacas.
(Premendo no epígrafe verás un vídeo en brasileiro e moitos outros).

¿Sabedes o que é un "pop-up"?

2009-12-05T13:12:00.006+01:00

Pois aquí tedes un. Poderiamos definilos como libros móbiles, tridimensionais ou algo similar. Seguro que moitos de vós tivestes algún de pequerrechos. Este está deseñado por Kate Davis. A música vaille moi ben xa que se trata dunha historia de amor.

¿ES CAPAZ DE AVERIGUAR O ENIGMA?

2009-12-02T19:51:00.017+01:00

O noso club de lectura comezou co xogo dos enigmas (vedes cantas cousas hai nos libros?). Do primeiro, "O enredo de Macario Misterio", xa temos gañador: Constantino, de 4º A ESO. NORABOA!!! O segundo enigma, "O último partido de John McEnroe", tamén o descubriu Constantino (unha máquina!).
O martes -coma sempre faremos- colocaremos o seguinte. Veña, bulide, pensade, dádelle voltas a esas cabeciñas, que aínda quedan moitos e cada vez serán máis complicados!!!

Se queredes ler os enigmas, aquí. están.

Concurso "¿Rimos un pouco?"

2009-11-26T16:56:00.003+01:00

Durante o mes de novembro estará exposto no vestíbulo principal. Consta de catro paneis cos carteis que fixeron os alumnos e alumnas de todo o centro, dende os máis pequechos ata os de 4º ESO. Na foto vedes os que máis nos fixeron rir, que recibirán un agasallo en Nadal.

Día 25

2009-11-25T22:19:00.005+01:00

Celebramos o día contra a violencia de xénero: houbo globos de cores, lazos e, sobre todo, reflexións, pensamentos e ideas para dicir NON á violencia contra as mulleres, vítimas de asasinatos, malos tratos, vexacións... e -segundo din as estatísticas-, cada ano aumenta entre rapazas e rapaces máis novos. ¿Como pode ser? PENSADE e dicídenos a vosa opinión.